काठमाडौ।हाल देशभर पश्चिमी वायुको आंशिक प्रभाव रहेको छ ।तराईका धेरै भूभागमा केही हप्तायता हुस्सु र कुहिरो लाग्दै आएको छ । बिहानको समयमा बाक्लो हुस्सु र कुहिरो लाग्ने गरेको छ । जसले जनजीवन प्रभावित हुँदै आएको छ ।चिसो बढेपछि सरकारी निकायले चोक–चोकमा आगो बाल्न दाउरा वितरण गर्दै आएका छन् । अत्यावश्यक कामबाहेक बाहिर ननिस्कन आग्रह गरेका छन् ।
आज पनि तराईका अधिकांश स्थानमा हुस्सु र कुहिरो लागिरहेको छ । यो मध्याह्नसम्म रहनेछ ।नेपालगञ्ज, जनकपुर, विराटनगर र सिमरामा ५० मिटर भिजिविलिटी छ ।अहिले न्यून भिजिविलिटी भए पनि तराईमा मध्याह्नसम्म खुलिसक्ने विभागले जनाएको छ ।
यसैगरी काठमाडौं उपत्यका र पहाडी क्षेत्रमा चिसो बढेकोले जनजीवन प्रभावित भएको छ ।देशका केही प्रदेशमा आज आंशिक बदली हुनेछ । कोसी, मधेस, वाग्मती, गण्डकी र लुम्बिनी प्रदेशमा आंशिक बदली हुनेछ । बिहान तराईमा हुस्सु र कुहिरो लागेको छ ।
जल तथा मौसम विज्ञान विभागका अनुसार दिउँसो तराई भूभागका अधिकांश स्थानमा मध्यान्नसम्म हुस्सु र कुहिरो रहनेछ ।कोसी, मधेस, वाग्मती, गण्डकी र लुम्बिनी प्रदेशमा प्रदेशमा आंशिक बदली रहनेछ । बाँकी पहाडी तथा हिमाली भूभागमा मौसम मुख्यतया सफा रहनेछ ।
यसैबीच, काठमाडौंमा आज बिहान पौने ६ बजेको न्यूनतम तापक्रम ३ डिग्री सेल्सियस रहेको छ । दिउँसो १५ देखि १७ डिग्री सेल्सियसबीच रहनेछ ।राति तराई भूभागका केही स्थानमा हुस्सु रहनेछ । वाग्मती, गण्डकी, लुम्बिनी र कर्णाली प्रदेशमा आंशिक बदली रहने विभागले बताएको छ ।बाँकी पहाडी तथा हिमाली भूभागमा मौसम मुख्यतया सफा रहनेछ ।
