काठमाडौं । नेपाल स्टक एक्सचेञ्ज (नेप्से) परिसूचक आज शुक्रबार ७.९० अंकले बढेर २,७३४.६३ विन्दुमा पुगेको छ।
आज ३५३ वटा कम्पनीका १ करोड ३७ लाख ६९ हजार १०० कित्ता शेयर खरिद–बिक्री हुँदा कुल ६ अर्ब २६ करोड ७२ लाख २६ हजार ७२२ रुपैयाँ बराबरको कारोबार भएको नेप्सेले जनाएको छ।
कारोबारमा फाइनान्स, जलविद्युत्, उत्पादन तथा प्रशोधन, म्युचुअल फण्ड, अन्य र ट्रेडिङ समूहबाहेक बाँकी सबै उपसमूहका सूचक हरियालीमा रहे।
आज सबैभन्दा बढी एभरेष्ट कलर लिमिटेडको शेयर मूल्य १४.९९ प्रतिशतले वृद्धि भएको छ। त्यसपछि आत्मनिर्भर लघुवित्त वित्तीय संस्थाको शेयर १४.४६ प्रतिशतले बढेको छ। यस्तै, ऋणपत्रतर्फ सानिमा बैंक डिबेञ्चर २०८५को मूल्य ८.९२ प्रतिशतले उकालो लागेको छ।
कारोबार रकमका आधारमा रिडी पावर कम्पनी अग्रस्थानमा रहँदै ३० करोड ९३ लाख रुपैयाँ बराबरको शेयर कारोबार भएको छ। त्यसपछि एनआरएन इन्फ्रास्ट्रक्चर एण्ड डेभलपमेन्ट लिमिटेडको २७ करोड ३४ लाख रुपैयाँ बराबरको कारोबार भएको छ।
