काठमाडौँ । नेपाल स्टक एक्सचेञ्ज (नेप्से) परिसूचक साताको दोस्रो कारोबार दिन सोमबार ३३.२८ अंकले घटेर २७०१.३२ विन्दुमा बन्द भएको छ।
आज ३६० वटा कम्पनीका १ करोड ३९ लाख २५ हजार ३३७ कित्ता शेयर किनबेच हुँदा कुल ६ अर्ब ८ करोड ८ लाख ६३ हजार ३५४ रुपैयाँ बराबरको कारोबार भएको नेप्सेले जनाएको छ।
कारोबारमा म्युचुअल फण्ड समूहबाहेक सबै उपसूचक घटेका छन्, जसका कारण समग्र बजारमा दबाब देखिएको हो।
व्यक्तिगत कम्पनीतर्फ एभरेष्ट कलर लिमिटेडको शेयर मूल्य सबैभन्दा धेरै १४.९९ प्रतिशतले वृद्धि भएको छ। त्यसपछि गरिमा समृद्धि योजनाको शेयर ४.७८ प्रतिशतले बढेको छ।
यता, आत्मनिर्भर लघुवित्त वित्तीय संस्थाको शेयर मूल्य सबैभन्दा धेरै १३.३८ प्रतिशतले घटेको छ।
कारोबार रकमका आधारमा रिलायन्स स्पिनिङ मिल्स अग्रस्थानमा रहँदै ३३ करोड ८६ लाख रुपैयाँभन्दा बढीको कारोबार गरेको छ। त्यसपछि ग्लोबल आइएमई बैंकको २८ करोड १३ लाख रुपैयाँ बराबरको शेयर कारोबार भएको छ।
