काठमाडौं । नेपाली कांग्रेसका निवर्तमान सभापति शेरबहादुर देउवा आज स्वदेश फर्किँदै छन् ।
देउवा थाई एयरको विमानमार्फत बिहीबार मध्यान्ह १२ बजे त्रिभुवन अन्तर्राष्ट्रिय विमानस्थलमा अवतरण गर्ने कार्यक्रम छ । उनलाई स्वागत गर्न कांग्रेसका निवर्तमान कार्यवाहक सभापति पूर्णबहादुर खड्का, नेता डा. शेखर कोइरालासहित पूर्वपदाधिकारी तथा केन्द्रीय सदस्यहरू विमानस्थल पुग्ने तयारीमा छन् ।
स्वास्थ्य उपचारका लागि देउवा गत फागुन १३ गते सिंगापुर गएका थिए । सिंगापुरमा उपचारपछि थप उपचारका लागि चैत ७ गते हङकङ पुगेका उनी त्यसपछि थाइल्याण्ड हुँदै नेपाल फर्किन लागेका हुन् ।
