काठमाडौं । राष्ट्रिय स्वतन्त्र पार्टी (रास्वपा) को महाधिवेशनअन्तर्गत उपसभापति पदमा डा. स्वर्णिम वाग्ले निर्विरोध निर्वाचित भएका छन्।
पदाधिकारी चयनका लागि तय गरिएको निर्वाचन कार्यक्रमअनुसार पुरुषतर्फको उपसभापति पदमा वाग्लेको मात्र उम्मेदवारी परेपछि उनी निर्विरोध निर्वाचित भएका हुन्।
डा. वाग्लेको प्रस्तावकमा उपसभापति पदकै आकांक्षी तथा नवनिर्वाचित केन्द्रीय सदस्य विराजभक्त श्रेष्ठ रहेका थिए।
यसअघि सम्पन्न केन्द्रीय सदस्य निर्वाचनको पहिलो चरणमा वाग्ले सर्वाधिक मतसहित निर्वाचित भएका थिए। उनले २ हजार ६ सय ५६ मत प्राप्त गरेका थिए।
