काठमाडौं । उद्यमी व्यवसायी शेखर गोल्छा पक्राउविरुद्ध दायर बन्दीप्रत्यक्षीकरण रिटमाथि सर्वोच्च अदालतमा सुनुवाइ सम्पन्न भएको छ।
श्रीमानलाई कानुनविपरीत थुनामा राखिएको दाबी गर्दै उनकी श्रीमती सिमा गोल्छाले सोमबार रिट दायर गरेकी थिइन्। सो रिटमाथि न्यायाधीश नृपध्वज निरौलाको इजलासमा सुनुवाइ भएको हो। सुनुवाइ सकिएकाले आजै आदेश आउने सम्भावना रहेको छ।
यसअघि केन्द्रीय अनुसन्धान ब्युरो (सिआइबी) ले गत बिहीबार गोल्छालाई पक्राउ गरेको थियो। पक्राउपछि काठमाडौं जिल्ला अदालतले सोमबार उनलाई थप तीन दिन हिरासतमा राखेर अनुसन्धान गर्न अनुमति दिएको छ।
