काठमाडौं । नेपाली कम्युनिस्ट पार्टी (नेकपा)का संयोजक पुष्पकमल दाहाल प्रचण्ड आइतबार भारतको राजधानी नयाँदिल्ली जाँदै छन् । नेकपानिकट नेपाली समाज भारतको आयोजनामा हुने एकता सन्देश सभा तथा साक्षात्कार कार्यक्रममा सहभागी हुन दिल्ली जान लागेको उनको सचिवालयले जनाएको छ ।
कार्यक्रममा प्रचण्डद्वारा नेपाली समुदायका साझा सरोकार, नेपाल–भारत सम्बन्धको मजबुती, प्रवासी नेपालीका समस्या र अवसर, साथै एकता र सहकार्यको महत्त्वबारे समसामयिक सन्देश प्रदान गरिने जारी विज्ञप्तिमा उल्लेख छ ।
कार्यक्रम सोमबार दिउँसो १ बजे लाजपत भवन अडिटोरियम लाजपत नगर, नयाँदिल्लीमा हुने जनाइएको छ ।
