काठमाडौं। २३ र २४ भदौमा भएको जेनजी आन्दोलनमा मृत्यु भएका मध्ये शहीदको सूचीमा परेका ४५ जनाको नाम जिल्ला प्रशासन कार्यालयमा राख्न पत्राचार भएको छ।मन्त्रालयले आइतबार गृहमन्त्रीस्तरीय निर्णय गर्दै उक्त सूचीकृत नाम तीन दिनभित्र प्रमुख जिल्ला अधिकारीको कार्यकक्षमा राख्न सर्कुलर गरेको हो।
मन्त्रालयका शाखा अधिकृत पदमबहादुर खत्रीद्धारा हस्ताक्षरित पत्रमा सबै सीडीओ कार्यालयलाई सम्बोधन गर्दै तीन दिनभित्र नामावली राख्न भनिएको छ ।
उनीहरूलाई जेनजी सुशासन योद्धा भन्दै प्रमुख जिल्ला अधिकारीको कार्यकक्षमा ती नामहरु ३ दिनभित्र राख्न भन्दै पत्राचार गरिएको छ । गृहमन्त्रीस्तरीय निर्णयबाट आइतबार मात्रै उक्त निर्णय भएको हो।
सूचनामा देशभरका सबै जिल्ला प्रशासन कार्यालयलाई ‘जेनजी सुशासन योद्धा’ का नाममा मृत्यु भएका व्यक्तिहरूको नामावली कार्यालयमा राख्न स्पष्ट निर्देशन गरिएको छ। निर्देशनअनुसार सम्बन्धित कार्यालयहरूले आन्दोलनमा ज्यान गुमाएका ४५ जनाको नामावली तोकिएको समयभित्र प्रदर्शित गर्ने व्यवस्था मिलाउनु पर्नेछ।
