काठमाडौं।२४ भदौको जेनजी आन्दोलनको मौका छोपेर कारागार तोडेर भागेका कैदीबन्दीका कारण अहिले समाज त्रस्त छ ।काभ्रे पनौतीका भगुवा कैदी सन्तबहादुरले घरमा श्रीमतीको हत्या गरेर जेल फर्किए । सन्तबहादुर जर्बजस्ति करणी उद्योगमा साढे ३ वर्षको सजायँ भोगिरहेका थिए ।यस्ता घट्नाले थुप्रै चूनौतिको सन्देश दिएका छन् ।
कैदीबन्दी समाजमा खुलेआम हिँड्दा सुरक्षा चुनौतीमात्रै थपिएको छैन, विदेश भाग्ने जोखिमसमेत बढेको छ । बुधबार १२ बजेसम्मको तथ्यांकअनुसार अझै ६ हजार ८१३ कैदीबन्दी खुला समाजमा छन् । जघन्य अपराध गरेर कारागार पुगेका कैदीबन्दी विदेश भाग्न सक्ने भन्दै अहिले कारागार व्यवस्थापन विभागले यसबारे गृहकार्य सुरु गरेको बताइएको छ । यी कैदीहरु समाजमा चूनौति हुनसक्ने जोखिम पनि उत्तिकै छ ।
कारागारबाट बाहिर रहेका कैदीबन्दी विदेश भाग्न सक्ने भन्दै उनीहरूको विवरण अध्यावधिक गर्ने काम भइरहेको छ । विवरण अध्यावधिक गरेका कैदीबन्दीका नागरिकता, पासपोर्ट लगायतको विवरण अध्यागमनमा बुझाइने विभागका निर्देशक चोमेन्द्र न्यौपानेका बताए ।
