काठमाडौँ । नेपालको धितोपत्र बजार मापक सूचक नेप्सेमा मंगलबार पनि गिरावट देखिएको छ। आज नेप्से १७.९१ अंकले घटेर २८०७.३१ विन्दुमा झरेर बन्द भएको हो।आज कुल ३४७ कम्पनीका एक करोड ३० लाख १९ हजार ५५ कित्ता शेयर किनबेच हुँदा ५ अर्ब ७७ करोड ४३ लाख १७ हजार ८७९ रुपैयाँ बराबरको कारोबार भएको छ।
क्षेत्रगत रूपमा हेर्दा होटल्स समूह बाहेक अन्य सबै समूहको सूचक घटेको छ, जसले बजारमा समग्र दबाब रहेको संकेत गर्छ।यसैबीच, सुर्यकुण्ड हाइड्रोपावर र पाल्पा सिमेन्टको शेयर मूल्य १५ प्रतिशतले बढ्दै सकारात्मक सर्किट लागेको छ भने शिखर पावरको शेयर १४.९९ प्रतिशतले उकालो लागेको छ।
आज सबैभन्दा बढी गिरावट डोल्टी पावरको शेयरमा देखिएको छ, जसको मूल्य ८.७१ प्रतिशतले घटेको छ।
कारोबार रकमका आधारमा सोलु हाइड्रोपावर अग्रस्थानमा रहेको छ, जसको ३७ करोड ७ लाख रुपैयाँ बराबरको शेयर कारोबार भएको छ। त्यसपछि रिलायन्स स्पिनिङ मिल्सको ३० करोड १९ लाख रुपैयाँ बराबरको कारोबार भएको छ।
