काठमाडौं — नेपाली बजारमा मंगलबार सुन तथा चाँदी दुवैको मूल्य घटेको छ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ सय रुपैयाँले घटेर २ लाख ८३ हजार ८ सय रुपैयाँ कायम भएको छ। सोमबार सुन प्रतितोला २ लाख ८४ हजार रुपैयाँमा कारोबार भएको थियो।
त्यस्तै, चाँदीको मूल्यमा पनि उल्लेख्य गिरावट आएको छ। आज चाँदी प्रतितोला ५ सय ९५ रुपैयाँले घटेर ३ हजार ७ सय ५५ रुपैयाँमा कारोबार भइरहेको महासंघले जनाएको छ।
सोमबार चाँदीको मूल्य प्रतितोला ४ हजार ३ सय ५० रुपैयाँ रहेको थियो। लगातारको मूल्य समायोजनसँगै अन्तर्राष्ट्रिय बजारको प्रभाव नेपाली सुनचाँदी बजारमा पनि देखिएको व्यवसायीहरू बताउँछन्।
