काठमाडौं । नेपालले बंगलादेशको मिरपुरमा जारी काभा पुरूष नेसन्स भलिबल कपअन्तर्गत पहिलो जित हासिल गरेको छ ।शुक्रबार सम्पन्न खेलमा नेपालले माल्दिभ्सलाई सोझो सेटमा ३-० ले पराजित गरेको हो । नेपालले पहिलो सेट २५-२१ ले, दोस्रो सेट २५-२३ र तेस्रो सेट २५-१८ ले जितेको हो ।
नेपालले यसअघि तुर्किमेनिस्तान र बंगलादेशसँग लगातार हार बेहोरेपछि तेस्रो खेलमा जित हासिल गरको हो । नेपालले अब अर्को खेल अक्टोबर २६ मा अफगानिस्तानसँग, अक्टोबर २७ सम्म श्रीलंकासँग खेल्ने तालिका रहेको छ । प्रतियोगितामा नेपालसहित ६ देशको सहभागिता रहेको छ ।
