काठमाडौं। राष्ट्रिय स्वतन्त्र पार्टी(रास्वपा)का बागमती प्रदेशका उपसभापति दिनेश हुमागाईंले रास्वपा परित्याग गरेका छन् । गत आम निर्वाचनमा काभ्रेको क्षेत्र नं.२ बाट रास्वपाका उम्मेदवार समेत दशहजार मत ल्याएका हुमागाईंले एक प्रेस विज्ञप्ति मार्फत दल त्याग गरेका हुन् ।
महामन्त्रीलाई सम्बोधन गर्दै लेखिएको उक्त विज्ञप्तिमा उम्मेदवार छनोटमा चरम चलखेल भएको जसमा प्रकृया,विधान र आन्तरिक लोकतंन्त्र विरुद्ध भएको बताएका छन् ।
यसैगरी केन्द्रीय संरचना विस्तारमा अपारदर्शिता रहेको पनि बताएका छन् ।हुमागाईंले विज्ञप्तिमा प्रदेश तथा तल्लो तहको आबाजको व्यवस्ता गरिएको भनेका छन् । यसका साथै उनले पार्टीको नेतृत्वमाथि नैतिक प्रश्न समेत उठाएका छन् । पार्टीको संरचनागत विकृति र नीजि स्वार्थमाथि समेत उनले बोलेका छन् ।
उनले भनेका छन् -‘ राष्ट्रिय स्वतन्त्र पार्टीमा प्रारम्भदेखि सिमित व्यक्तिहरुले प्राइभेट कम्पनी जस्तो व्यवहार गर्दै गठन गरेका हुन् ।पार्टीलाई राजनीतिक संगठनको सट्टा नीजि कम्पनीको जस्तो चलाइएको छ र तल्लो तहका नेता कार्यकर्ताहरुलाई दासको रुपमा व्यवहार गरिएको छ । ‘ उनले विज्ञप्तिमा भनेका छन् -‘म बागमती प्रदेशको उपसभापति पद तथा पार्टीको साधारण सदस्य दुबैबाट आजैको मितिबाट अलग भएको घोषणा गर्दछु ।’
