काठमाडौं।प्रतिनिधिसभा निर्वाचनमा प्रत्यक्षतर्फ सबैभन्दा बढी उमेदवारी काठमाडौंमा जिल्लामा परेको छ । काठमाडौंमा १० निर्वाचन क्षेत्र छ र जहाँ राजनीतिक दल र स्वतन्त्र गरी २५० जनाले उमेदवारी दिएका छन् ।देशका १६५ स्थानमा हुने निर्वाचनमा राजनीतिक दल र स्वतन्त्र गरी कुल ३ हजार ४०६ जनाको उमेदवारी परेको छ । उमेदवारी दिनेमा ३ हजार १७ जना पुरुष, ३८८ महिला र अन्य १ जना छन् ।
आयोगका तथ्याङ्कअनुसार, निर्वाचनमा सबैभन्दा बढी उमेदवारी परेका प्रमुख १० जिल्लामा क्रमशः काठमाडौं, धनुषा, रुपन्देही, महोत्तरी, सिराहा, सर्लाही, सुनसरी, मोरङ र बारा छन् ।काठमाडौंमा २५०, धनुषामा १५८, रौतहटमा १४२, महोत्तरीमा १३९, सिराहामा १३८, सर्लाहीमा १३१, सुनसरीमा ११०, मोरङमा ११० र बारामा ११० जनाले उमेदवारी दिएका छन् ।
सबैभन्दा ठूलो संख्यामा उमेदवारी पर्ने १० जिल्लामा काठमाडौं बाहेक सबै तराई–मधेशका जिल्ला छन् ।सबैभन्दा कम ३ जनाको उमेदवारी मनाङ जिल्लामा परेको छ ।कम उम्मदवारी पर्ने १० जिल्लामा क्रमशः मनाङ, हुम्ला, मुगु, बझाङ, बाजुरा, मुस्ताङ, डोल्पा, डोटी, कालिकोट र जुम्ला छन् ।
