काठमाडौं।बंगलादेशको राजधानी ढाकाको सबैभन्दा ठूलो बस्ती कोराइलमा मंगलबार साँझ आगलागी भएको छ ।१,५०० भन्दा बढी घरहरू जलेर नष्ट भएको भारतीय सञ्चार माध्यमहरूले जनाएका छन् ।दमकल अधिकारी राशेद बिन खालिदले स्थानीय मिडियालाई बताए कि मंगलबार साँझ शुरू भएको आगो बुधबार दिउँसोसम्म नियन्त्रणमा आएको थियो। आगो यति गम्भीर थियो कि निभाउन १६ घण्टाभन्दा बढी समय लाग्यो।
खाना पकाउने सिलिन्डर विस्फोटका कारण आगो लागेको समाचारमा उल्लेख छ । बस्ती साँघुरो भएका कारण आगो एक घरबाट अर्को घरमा द्रुत गतिमा फैलिएको थियो । साँघुरो सडकका कारण दमकलका गाडीहरू भित्री भागमा पुग्न सकेका थिएनन् । कोराइल बस्ती १६० एकडमा फैलिएको छ र लगभग ८० हजार मानिसहरू बसोबास गर्छन् । आगलागीबाट हजारौं मानिसहरू घरबारविहीन भएको समाचारमा जनाइएको छ ।
