काठमाडौं — आज प्रतिनिधिसभाअन्तर्गत दुई वटा संसदीय समितिको बैठक बस्ने भएका छन्।
कानुन, न्याय तथा मानव अधिकार समिति र सार्वजनिक लेखा समितिको बैठक आज छुट्टाछुट्टै कार्यसूचीसहित बस्ने तय भएको हो।
कानुन, न्याय तथा मानव अधिकार समितिको बैठक दिउँसो १२:३० बजे बस्नेछ। बैठकमा कानुन, न्याय तथा संसदीय मामिला मन्त्रालयको कार्यक्षेत्र, चालु आर्थिक वर्षको प्रगति समीक्षा तथा आगामी कार्ययोजनाबारे छलफल हुने छ।
त्यसैगरी, समितिद्वारा होल्डिङ सेन्टरमा गरिएको स्थलगत अनुगमन प्रतिवेदनमाथि पनि छलफल गरिनेछ।
यता, सार्वजनिक लेखा समितिको बैठकमा बेरुजु उच्च रहेका मन्त्रालयका लेखा उत्तरदायी अधिकृतहरूसँग बेरुजु न्यूनीकरणसम्बन्धी विषयमा छलफल गर्ने कार्यसूची रहेको छ।
