काठमाडौं, ११ चैत । नेवार समुदायको साँस्कृतिक परिवेशमा केंद्रित जातिय साँस्कृतिक सौन्दर्य प्रतियोगिताका रुपमा संचालन भएको मिस नेवाः वल्र्डको अन्तिम प्रतिस्पर्धा सम्पन्न भएको छ ।
ललितपुरमा सम्पन्न सो प्रतियोगिताका विजेतालाई रौतहटको मौलापुर नगरपालिकाकी मेयर रिनाकुमारी साह तथा आयोजक संस्था रेक्स इन्टरटेन्मेन्टका अध्यक्ष खगेस रञ्जितकार सहितकाले सम्मानका साथै आगामी दिनको सफलताको शुभकामना व्यक्त गरेका छन् ।
प्रतियोगितामा मिस नेवाः वल्र्ड ११४६ तर्फ ललितपुर स्थित एशियन कलेजकी बिधार्थी जियाना महर्जनले विजेताको ताज पहिरिन सफल भएकी छन् । गत वर्सकी बिजेता लरिशा शाहीले विजेताको ताज लगाइदिएकी हुन् ।
रेक्स इन्टरटेन्मेन्टको ब्यानरमा खगेश रंजीतकार आयोजक रहेको सो कार्यक्रम ईन्टरनेशनल कोरियोग्राफर रोजिन शाक्यले संचालन गरेका थिए । बिगत १५ बर्षदेखी नेवा धर्म, संस्कृति, सम्पदाको जर्गेनाका लागि मिस नेवाः वल्र्ड कार्यक्रम हुदैआएको छ ।
प्रतियोगितामा २४ जना सहभागि सहभागि रहेका थिए । प्रतियोगिताको निर्णायक मण्डलमा मिस नेवाः वल्र्ड ११४५ लरिशा शाही, मिस नेवाः आईकन ११४५ रोजिका बज्राचार्य, डान्स कोरियोग्राफर रोहिया महर्जन, मिडियाकर्मीद्धय प्रभा अमात्य र मन्दिरा राउत रहेका छन् ।
