काठमाडौं । देशका केही भूभागमा आज वर्षाको सम्भावना रहेको छ ।वाग्मती, गण्डकी र कोसी प्रदेशका केही भूभागमा वर्षाको सम्भावना रहेको जल तथा मौसम विज्ञान विभागले जनाएको छ । जल तथा मौसम विज्ञान विभागका अनुसार दिउँसो वाग्मती, गण्डकी र कोसी प्रदेशका उच्च पहाडी र हिमाली क्षेत्रमा हल्का वर्षा र हिमपातको सम्भावना छ ।
वाग्मती, गण्डकी र कोसी प्रदेशमा आंशिक रूपमा बादल लाग्नेछ । तराईका केही स्थानमा आज हुस्सु र कुहिरो लाग्नेछ ।काठमाडौं उपत्यकामा आज दिनभर मौसम बदली हुनेछ । विभागका अनुसार काठमाडौंमा वर्षाको सम्भावना छैन । यद्यपि, दिनभर बादल भने लाग्नेछ ।
काठमाडौंमा बिहान पौने ६ बजेको न्यून्तम तापक्रम ६।५ डिग्री सेल्सियस रहेको छ । दिउँसो १६ देखि १८ डिग्री सेल्सियससम्म पुग्ने पूर्वानुमान छ ।पश्चिमी वायुको प्रभाव भने कमजोर भइसकेको विभागले बताएको छ । आंशिक प्रभाव बाँकी रहे पनि पानी पार्ने प्रणाली भने बाहिरिसकेको र केही बादल बाँकी रहे पनि त्यसले वर्षा नगराउने विभागले जनाएको छ ।
