काठमाडौं।सन् २०२५ मा झण्डै ११ लाख ६० हजार विदेशी पर्यटक नेपाल भित्रिएका छन् ।पर्यटन बोर्डका अनुसार यस वर्ष कुल ११ लाख ५८ हजार ४५९ पर्यटक भित्रिएका हुन् । जुन अघिल्लो वर्ष सन् २०२४ को तुलनामा ९७ प्रतिशतको रिकभरी हो ।
कुल पर्यटक आगमनमध्ये, ९८ हजार १९० पर्यटक अन्तिम डिसेम्बर महिनामा भित्रिएका छन् ।समीक्षा अवधिमा सबैभन्दा बढी छिमेकी मुलुक भारतबाट २ लाख ९२ हजार ४३८ जना भित्रिएका छन् ।अर्को छिमेकी मुलुक चीनबाट ९५ हजार ४८० जना भित्रिएको बोर्डले जनाएको छ ।
यसैगरी बेलायतबाट ५८ हजार ६८४ जना, बंगलादेशबाट ५७ हजार ५४५ जना पर्यटक भित्रिएका छन् । महादेशतर्फ भने सबैभन्दा बढी दक्षिण एसियाबाट ४ लाख ८ हजार १०३ जना भित्रिएका छन् । सबैभन्दा कम अफ्रिका महादेशबाट ४ हजार ३२० जना भित्रिएको पर्यटन बोर्डले जनाएको छ ।
