गणतन्त्र स्थापना भएको आज १७ बर्ष पुरा बिभिद कार्यक्रम गरी मनाइदै

सेवापाटी संवाददाता २०८२ जेष्ठ १५ गते

दिपक बजगाई ‘कैलाश’ काठमाण्डौं विसं २०६५ जेठ १५ गते जननिर्वाचित संविधानसभाको पहिलो बैठकद्वारा २४० वर्षदेखि नेपालमा कायम रहेको निरङ्कुश राजतन्त्रको अन्त्य गरी सङ्घीय लोकतान्त्रिक गणतन्त्र घोषणा भएको सोही ऐतिहासिक दिनको सम्झनालाई चिरस्थायी बनाउन गणतन्त्र दिवस मनाउने गरिएको छ । तत्कालीन सात राजनीतिक दलले निरङ्कुश राजतन्त्रकाविरुद्ध आह्वान गरेको शान्तिपूर्ण जनआन्दोलन र विद्रोही नेपाल कम्युनिष्ट पार्टी (माओवादी)ले गरेको सशस्त्र सङ्घर्षका उपलब्धिका रूपमा देशले गणतन्त्रको अभ्यास गरेको १७ वर्ष भएको छ । आज बिभिद कार्यक्रम गरी यो दिवस मनाइदै छ ।